Þröstur er virkilega falleg rennd ullarpeysa sem hentar fyrir unga menn á öllum aldri bæði hversdags og í útileguna.
Uppskriftinni fylgja leiðbeiningar til að prjóna peysuna á tvo vegu; önnur leiðin er hin klassíska leið til að prjóna lopapeysu þ.e. að byrja neðst og prjóna upp en hin leiðin er að byrja uppi og prjóna niður.
Stærðir XS S M L XL XXL
Yfirvídd: 95-100-108-113-117-126 cm
Lengd á bol að handvegi: 38-40-42-44-46-48 cm
Ermalengd: 49-50-51-52-53-54 cm
Efni
Saga Wool frá Icewear, 100% ull, 50 g (100 m/ 109 yd)
Aðallitur A #9001-0101: 300 g 350 g 400 g 450 g 450 g 500 g
Munsturlitur B #9001-4103: 100 g 100 g 100 g 150 g 150 g 200 g
Munsturlitur C #9001-5130: 100 g 100 g 100 g 100 g 100 g 150 g
Munsturlitur D #9001-9059: 50 g 50 g 50 g 100 g 100 g 100 g
Rennilás
Prjónar
Hringprjónar nr 4.5 og 5, 40 og 80 cm langir
Sokkaprjónar nr 4.5 og 5
Prjónfesta: 10 x 10 cm = 18 lykkjur og 24 umferðir slétt prjón á prjóna nr 5.
Nauðsynlegt er að hafa rétta prjónfestu til þess að flíkin nái uppgefinni stærð. Sannreynið prjónfestu og skiptið um stærð prjóna ef þörf er á.
Aðferðir
Stroffið neðan á bol og á hálsmáli er prjónað; 1 L sl, 1 L br til skiptis, fram og til baka en neðan á ermum er það prjónað í hring. Fyrir utan það er peysan prjónuð í hring, með sléttu prjóni og tvíbandaprjóni. Neðan á bol og ermum er munsturbekkur og þar fyrir ofan er peysan einlit upp að höndum. Munstur á axlastykki er prjónað með tvíbandaprjóni.
Saumað er með saumavél í brugðnu lykkjurnar áður en klippt er upp á milli þeirra til að opna peysuna.
Að lokum er rennilás saumaður í peysuna að framan.
Meyja garn og uppskrift5.820 kr
